Ақтауда заңсыз есірткі тасымалдады деген күдікпен жергілікті тұрғын ұсталды. Сотқа дейінгі тергеу басталды, деп хабарлайды өңірдің полиция департаментіне сілтеме жасаған KAZ.NUR.KZ.
Маңғыстау облыстық полиция департаментінің Instagram парақшасындағы ақпаратқа сәйкес, 2025 жылғы 31 шілдеде Маңғыстау облысы ПД Есірткі қылмысына қарсы іс-қимыл басқармасының қызметкерлері арнайы мақсаттағы "Беркут" бөлімшесінің жауынгерлерімен бірлесіп, жедел-іздестіру іс-шараларын жүргізу барысында Ақтау қаласының 6-шағынауданында 1970 жылы туған жергілікті тұрғынды ұстады.
Тінту жүргізу кезінде одан есірткі заттары табылып, тәркіленді, сондай-ақ медициналық куәландыру барысында оның есірткі пайдаланғаны анықталды.
Аталған факті бойынша ұсталған азаматқа қатысты Қылмыстық кодекстің 296-бабы 2-бөлігі (есірткі заттарын заңсыз айналымға салу) бойынша сотқа дейінгі тергеу басталды және Қазақстан Әкімшілік құқық бұзушылық туралы кодекстің 440-1-бабы (медициналық емес мақсатта есірткі қолдану) бойынша әкімшілік хаттама толтырылды.
Басқа ақпарат тергеу мүддесіне сәйкес жария етілмеді.
Мәтіннен қате тапсаңыз, бізге жазыңыз
