10 тамызда Алматыдағы Орталық стадионда әлемдік поп-жұлдыз Дженнифер Лопес концерт береді.
Халықаралық стандартқа сай көпдеңгейлі сахна құруға үш күн ішінде 220-дан астам монтажшы, инженер және үйлестіруші тәулік бойы жұмыс істеуде, деп жазады inbusiness.kz сайты.
Сахнамен қатар қауіпсіздік пен логистика да пысықталуда: стадион фан-аймақ, лаунж, фуд-корт, VIP және медиа аймақтарға бөлінеді.
Медициналық бригадалар, төтенше жағдай қызметі және өрт сөндірушілер кезекшілік атқарады. Кіруде металл детекторлар мен қол сканерлері бар 26 өткізу пункті орнатылады.
Концерт билеттері толық сатылып кеткен. Оларды 35-тен астам елден, соның ішінде АҚШ, Жапония, БАӘ және Канададан келген көрермендер мен мыңдаған қазақстандықтар сатып алған.
Ұйымдастырушылардың айтуынша, бұл шара Алматының мәдени астана ретіндегі мәртебесін нығайтады.
