Халықаралық бағдарламалар орталығы "Болашақ" халықаралық стипендиясы мен "Ғылыми тағылымдамалар" бағдарламасы иегерлерінің тізімі жариялады, деп хабарлайды KAZ.NUR.KZ.
"Халықаралық бағдарламалар орталығы" АҚ ресми Telegram-арнасындағы ақпаратқа сәйкес, шетелде кадрлар даярлау жөніндегі республикалық комиссияның шешімімен 217 қазақстандық "Болашақ" халықаралық стипендиясының иегері атанды.
Оның ішінде 167 адам магистратурада, 13 адам докторантурада оқиды, ал 37-і әлемнің үздік университеттері мен орталықтарында кәсіби тағылымдамадан өтеді.
Бұл ретте стипендиаттардың 67,7 пайызы жаратылыстану-техникалық пәндер бойынша, ал 32,3 пайызы қоғамдық-гуманитарлық бейін бойынша оқиды.
Бұған қоса Шетелде кадрлар даярлау жөніндегі республикалық комиссияның шешімімен 68 қазақстандыққа әлемнің жетекші ғылыми және зерттеу орталықтарында ғылыми тағылымдамадан өтуге стипендия тағайындалды.
Толық тізімді мына жерден қарауға болады.
Мәтіннен қате тапсаңыз, бізге жазыңыз
