4 тамызда Алматыдағы Қарғалы өзеніндегі судың түсі жасыл түске боялғаны туралы ақпарат тараған. Алматының экология және қоршаған орта басқармасы сынақтан өткен судың алдын ала нәтижесін жариялады, деп хабарлайды kazinform.kz.
Аталған жайтқа байланысты экология және қоршаған орта басқармасы, Алматы қаласының экология департаменті, Алматы қаласының санитариялық-эпидемиологиялық бақылау департаменті және табиғат қорғау полициясы қызметкерлерінен құрылған комиссия Үлкен Алматы өзеніне төгілген суды тексеру жұмыстарын жүргізген.
"Зертханалық талдау нәтижелері бойынша Қарғалы өзенінен алынған су сынамаларында химиялық және бактериологиялық көрсеткіштер бойынша артықшылықтар анықталған жоқ. Су нормаларға сәйкес келеді. Табылған бояғыш заттың іздері, алдын ала болжам бойынша, нөсерлі кәріз жүйесіне төгілген суда еритін тағамдық бояуға жатады", — деп хабарлады басқармадан.
Қазіргі уақытта Алматы қаласы экология департаментінің түпкілікті қорытындысы күтіліп отыр.
Мәтіннен қате тапсаңыз, бізге жазыңыз
