Анжелика есімді бойжеткен Ресейдің Түмен қаласында өткен үйлену тойын қазақтың ұлттық дәстүріне сай атап өткен, деп хабарлайды Skifnews.kz Azattyq Rýhy-на сілтеме жасап.
Ол күйеу жігітінің ұлты орыс болғанымен, қазақ отбасында өскенін, сондықтан салт-дәстүрге құрметпен қарайтынын атап өткен.
Анжелика өзі де қазақ мәдениетіне қызығушылық танытып, қазақ тілін меңгерген. Қазақ әндерін сүйіп тыңдайтын ол – Роза Әлқожаның жанкүйері. Тіпті Омбыда өткен әншінің концертіне арнайы барып, өнерін тамашалаған. Өз тойында да сол сүйікті әншісінің әнінің сүйемелдеуімен ортаға шыққан. Той барысында енесі оған ақ орамал жауып, келін ретінде қабылдаған.
Қалыңдық тойдың қазақ-орыс стильінде өткенін атап өтіп, бұл ерекше күннің жай ғана екі мәдениетті біріктіру емес, олардың озық тұстарын үйлестіре отырып, мағыналы мерекеге айналғанын айтқан.
«Әртүрлі тілде сөйлейтін, түрлі дәстүрде өскен екі жанды қосу – күрделі, бірақ өте қызықты процесс. Бастапқыда-ақ бұл үйлену тойы тек формалды рәсімдер емес, тамыр мен мәдениетке деген терең құрметтің белгісі болатынын сездік. Қиындықтар да кездесті, бірақ дайындықтың өзі біз үшін қуанышты әрі ерекше толқынысқа толы болды. Екі отбасының бір-бірін жақынырақ танып, түсінісе бастағанына куә болдық. Ал фатаны шешу рәсімі – мен үшін жаңа өмірдің бастауын білдіретін әсерлі сәт болды. Бұл – өзімнің жарымның халқы мен дәстүріне деген шынайы құрметтің белгісі. Қазақ дәстүрімен таныс емес қонақтардың өзі бұл сәтке таңданып, ерекше әсер алды», – деп бөлісті Анжелика.
Посмотреть эту публикацию в Instagram
Публикация от Azattyq Ruhy_Trend (@ar._.trend)
