Мұндай ақпарат мессенджерлер арқылы тараған болатын.
Еңбек және халықты әлеуметтік қорғау министрлігі 1949-2010 жылдар аралығында туған Қазақстан азаматтарына 70 000 теңге аударылатыны туралы әлеуметтік желілер мен мессенджерлерде таратылып жатқан ақпаратты жоққа шығарды.
"Әлеуметтік көмектің мұндай түрі жоқ екенін хабарлаймыз. Тиісінше, көрсетілген сілтеме алаяқтар үшін азаматтардың жеке деректерін алу тәсілі болуы мүмкін. Алаяқтармен өзара әрекеттесуді болдырмау үшін сілтемеге өтпеуге кеңес береміз. Мемлекеттік қолдаудың тиісті шаралары туралы ресми ақпарат тек қана 1414 нөмірінен СМС-хабарламалар арқылы таратылады", – делінген министрліктің ресми хабарламасында.
Еңбек және халықты әлеуметтік қорғау министрлігі қазақстандықтарды тек ресми ақпаратқа сенуге шақырып, жалған ақпарат тарату заңмен жазаланатынын еске салды.
Оқи отырыңыз:
Алматыда зейнеткерлерді алдап, үйлерінен ірі көлемде ақша ұрлаған екі әйел ұсталды
