Жол қозғалысының жас инспекторлары Өскеменде бас қосты.
Жол жүру ережесін бес саусағындай білетін 20 өңірдің жастары білімін сынға салды. Сайысқа көршілес Қырғызстан командасы да қатысып жатыр. Жас белсенділерге қойылған талап оңай емес. Олар жолдағы көлік қозғалысын реттеу, алғашқы медициналық көмек көрсету бойынша дағдыларын көрсетті. Сонымен қатар "Жол-көлік апатының алдын алу" тақырыбына арналған шығармашылық жұмыстарын таныстырды.
Қайсар Сұлтанбаев, ҚР ІІМ әкімшілік полиция комитетінің төрағасы:
- Өкінішке орай, жол апаттарында қазіргі таңда көптеген балалардың денсаулығына зиян келіп өмірі қиылып жатқанын бәріміз білеміз. Сондықтан бұл қозғалыс әрі қарай жалғасын табады және тек қана республика көлемінде емес, басқа да елдермен осы қозғалысты ары қарай дамытып, балалардың өмірі мен денсаулығын сақтап қалу үшін бар күшімізді саламыз.
