Римде Иран мен АҚШ-тың келіссөзі өтті. Ислам Республикасының делегациясын елдің сыртқы істер министрі бастап барған. Ал америкалықтар атынан АҚШ президентінің арнайы өкілі қатысты. Тараптар бұл жолғы басқосудан кейін ілгерілеу барын айтады.
Вашингтон Тегераннан уранды байыту мөлшерін азайтуды талап етеді. Сол кезде санкцияларды алып тастайтынын айтады. Тараптар бұған дейін 4 рет кездескен. Келіссөздерге Оман билігі арағайындық танытып жүр. Сондықтан екі кездесу Таяу Шығыстағы осы елде ұйымдастырылған. Бұл жолғы басқосу да Оманның Римдегі дипломатиялық миссиясында өтті.
