Әншінің елімізде концерт беруіне байланысты ғаламторда оның аты аталған сұраулар 8,5 есе өскен.
Әлемдік поп жұлдыз Дженнифер Лопестің Қазақстанда өнер көрсетуі ел тұрғындарының ол туралы қызығушылығын күрт арттырған. Сәуірде Астанадағы концертке билеттер сатыла бастаған уақыттан бері Дженнифер Лопес туралы қазақстандықтардың интернеттегі сұраулары 8,5 есе өскен. Бұл туралы Yandex Qazaqstan аналитиктері хабарлады.
Сұраулар сәуірде күрт артса, кейін біршама азайғанын төмендегі графиктен көруге болады.
Қазақстандықтар Дженнифер Лопес туралы ең жиі қойған сұрақтар қандай
Бірінші кезекте сұраулар әншінің Қазақстандағы концерттеріне қатысты болды. Мысалы, концерттің қашан, қайда өтетінін және билетті қалай сатып алуға болатыны туралы сұрақтар көп.
Сондай-ақ, тағы бір жиі қойылған сұрақтар Дженнифер Лопестің фильмдері туралы болған. Қазақстандықтар, әсіресе, "Атлас", "Ана" және "Табынушы" фильмдерін көбірек іздеген. Сұраудың жазылуы да қызық. Мысалы, "Дженнифер Лопес 2024 фильм қызы мен бірге ғашығынан қашатын фильм қайда көруге болады" деген сұрау кездеседі. Сонымен қатар, Дженнифер Лопестің келесі әндерін қазақстандықтар жиі іздеген: Jenny from the block; In the morning; Quizás, quizás, quizás.
Сұраулар арасында Дженнифер Лопестің бұрынғы күйеуі Бен Аффлек те аталған. Одан бөлек, Дженнифер Лопеске арнап Версаче сән үйі тіккен жасыл көйлек те қызығушылық тудырған.
Еске салайық, Дженнифер Лопестің Алматыдағы концерті 10 тамызда болады.
Оқи отырыңыз:
"Неге қазақтар Дженнифер Лопесті сонша жақсы көреді?". Әншінің менеджерлері Қазақстанда билеттердің жылдам сатылғанына таңғалған
Өнерін ұнатқандар мен бөксеге сын айтқандар. Джей Ло қалай қазақ қоғамын екіге жарды
