Күдіктіден ұялы телефон мен банк карталары тәркіленді.
Астанада "Контрафакт" жедел-алдын алу іс-шарасы басталды, деп хабарлайды Polisia.kz.
Елордада 4-7 тамыз аралығында киберқылмыстардың жолын кесуге, олардың алдын алуға және халықтың қаржылық сауаттылығын арттыруға бағытталған "Контрафакт" жедел-алдын алу іс-шарасы өтіп жатыр. Іс-шараның басты мақсаты – интернет-алаяқтықтарды әшкерелеу.
Іс-шара барысында киберқылмыстарға қарсы күрес басқармасының қызметкерлері интернет-ресурстар арқылы жалған хабарландырулар орналастырып, қала аумағындағы пәтерлерді жалға беремін деп алдап, клиенттерден алдын ала төлемді банк картасына аударуды сұраған 34 жастағы азаматты анықтады.
"Күдіктіден ұялы телефон мен банк карталары тәркіленді. Сондай-ақ оның осыған ұқсас тағы 10 алаяқтық эпизодқа қатысы бар екені анықталды. Жалпы жыл басынан бері жеті ай ішінде 500-ден астам интернет-алаяқтық фактісі ашылған", – делінген хабарламада.
Оқи отырыңыз: Жамбыл облысында ірі көлемде есірткі сақтаған тұрғын ұсталды
