Сауда және интеграция министрі Арман Шаққалиев Қазақстанның кейбір өңірлерінде ет қымбаттауына қатысты пікір білдірді , — деп хабарлайды Massaget.kz тілшісі.
Арман Шаққалиев, шынымен де, ет қымбаттағанын мойындады.
"Мұнда екі фактор бар. Біріншіден, бұл жаһандық мәселе екенін, әлемдегі ірі ойыншылардың көлемі өзгеруіне байланысты екенін айттым: Бразилия, Аргентина. Екіншіден, бүгінде көрші мемлекеттердегі баға айтарлықтай жоғары, үлкен сұраныс бар. Министрлік ретінде осындай серпінді байқап, белгілі бір іс-шаралардың, соның ішінде сыртқы сауда іс-шараларының бастамашысы болдық", — деді министр Үкіметтегі брифингте.
Журналистер сауда министрлігінің басшысынан ет бағасы өсуіне байланысты қазақстандықтар неге дайындалуы керек екенін нақтылады.
Арман Шаққалиевтің айтуынша, мұндай жағдайда министрліктің басты міндеті — баға айлық есепте 0,4 пайыздан жоғары болуына жол бермеу.
Еске салайық, бұған дейін қазақстандықтар ет қымбаттаса да сатып алуын азайтпағаны хабарланды. Ұлттық статистика бюросының дерегіне сүйенсек, маусымда Қазақстанда ет және ет өнімдері бір айда 1,2 пайызға және бір жылда 11,3 пайызға қымбаттаған.
Қызықты жаңалықтар мен видеоларды көру үшін TikTok арнамызға жазылыңыз!
