Бұл туралы Сауда және интеграция министрі Арман Шаққалиев Үкімет отырысынан кейін өткен брифингте айтты, деп жазады inbusiness.kz сайты.
Елдегі базарларды жаңғырту бағдарламасы аясында жаңартудан өтпеген кейбір сауда орындары келесі жылы жабылуы мүмкін.
Министрдің айтуынша, қазіргі таңда базарларды жаңғырту жұмыстары жүріп жатыр. Бұл – сауда орындарының көлеңкелі экономика ошақтарына айналуына жол бермеу мақсатында қолға алынған шара.
– Жаңғырту бағдарламасы бекітілді. Осы жылдың соңына дейін нақты нысандар мен атқарылатын шаралар көрсетілген жол картасы дайын тұр. Егер 2026 жылға дейін жаңғырту картасына енгізілген базарлар жаңартылмаса, олардың жұмысы тоқтайды, – деді Арман Шаққалиев.
