Диастың додаға толы дара жолы

0:00:00

Жаңалықтарды Telegram арнамыздан оқыңыз!

Кеше 48 жасына қараған шағында белгілі журналист Диас Ахметшәріп өмірден өтті. Ол 25 жылдан астам уақытын, яғни, саналы ғұмырын журналистикаға, оның ішінде спорт журналистикасына арнап, талай ірі додалардан сүйінші хабар таратқан тілші, білікті маман әрі медиа-менеджер еді.

Бұл — 2018 жылғы сұхбат. Диас өзі айтқандай жас еді, мақсат-мұраты, жоспары көп еді. Дегенмен18 күн берілмеген жүрек, кеше тоқтады.

Дәулет Тұрлыханов, ҚР Парламенті Мәжілісінің депутаты:

Диас Ахметшәріптің әкесіне, отбасына, туған-туысына қайғырып көңіл айтамыз. Диас бауырымыздың бейнесі біздің есімізде мәңгі қалады. Диас бауырым, жатқан жерің жайлы болсын. Қазақстанның спортсүйер қауымы болып ертең сені ақтық сапарға шығарып саламыз.

Диас республикалық физика-математика мектебін аяқтап, халықаралық қатынастар мамандығын меңгерген. Бірақ тағдыр оны журналистикаға әкелді. Өзі айтқандай, спорт журналистикасы күрделі мамандық. Әр спортты, оқиғаны, хронологиясын, санын, есебін, ережесін жадыңда ұстау керек. Диас сол жұмысты қос өрімдей екі тілде қатар өрген.

Амангелді Боранов, «QAZSPORT» телеарнасының бас режиссёрі:

Диас аға тек қазақ тілінде, орыс тілінде емес, ағылшын мен француз тілін өте жетік меңгерген. Бір рет француз тілінде әңгімесін телефонмен жалғасытрып жатыр, менеджердің жұмысын өзі істеп отыр ғой. Өте білімді, өте қарапайым кісі еді.

Ол еңбек жолын радиодан бастап, «Qazaqstan» мен «Хабарда» қызмет етті. «Qazsport» телеарнасының қалыптасуына үлес қосты. Бірнеше министрлікте баспасөз қызметін басқарды. Дегенмен тележурналистиканы, спорт журналистикасын үнемі бәрінін биік көрді.

Телжан Күдеров, журналист: