Алматы Полиция департаменті балалар үйінің екі тәрбиеленушісі жоғалып кетуіне байланысты пікір білдірді , — деп хабарлайды Massaget.kz тілшісі.
ПД мәліметінше, Бостандық ауданының полиция басқармасы іздестіру бойынша іс қозғаған.
"Бұған дейін кәмелетке толмағандар мекемеден бірнеше рет кетіп қалып, полиция қызметкерлері оларды тауып, қайтарған еді. Қазір олардың орналасқан жерін анықтауға бағытталған жедел іздестіру іс-шаралары жүргізіліп жатыр", — деп жазылған хабарламада.
Айта кетейік, Алматыда №1 балалар үйінен екі тәрбиеленуші — 2009 жылы туған Белгородская Кристина Сергеевна және 2010 жылы туған Черепанова Маргарита Даниловна қашып кеткен. Олар 18 шілдеде таңертең мекемеден шығып, жоғалып кеткен.
Instagram парақшамызға жазылып, ең қызықты ақпараттарды бірінші болып оқыңыз!
