Елде жұмысшы мамандықтарына сұраныс артып келеді. Әсіресе құрылыс саласына бет бұрған жастар көп.
Бүгінде кәсіптік колледждерде 25 мыңнан астам жас дәл осы мамандықты меңгеріп жатыр.
Құрылыс саласын таңдаған Мейрамбек — колледжді биыл ғана бітірген. Әкесі мен ағасы да осы салада еңбек етеді, сондықтан бұл жолды ол ерте таңдапты. Қазір әкесімен бірге бір компанияда көпқабатты үй салып жатыр.
Мейрамбек Сұлтанбеков, жас құрылысшы:
- Тәжірибе кезінде жұмыс қиын болды. Ол кезде салынып жатқан үйдің құрылысы біткен кезде кірдім. Сосын мына блокты салып жатырмыз. Бұл жерде монтаж жұмыстарының мастері бар. Жұмысты материалдарының шығынын есептеймін. Сосын жұмысшыларға жұмыс беріп, оларды қадағалап қауіпсіздігіне жауап беремін. Негізі әкеммен жұмыс істеген жақсы. Себебі құрылысқа келуге де сол себепші болған. Сондай-ақ Қазыбек деген ағам бар. Менде сол кісі сияқты үйреніп, сол кісі сияқты болу үшін құрылысқа түстім.
Қажымұқан Жұмалиев бұл салада 14 жылдан аса еңбек етіп келе жатқан тәжірибелі құрылысшы. Өзі оқыған колледжде студенттердің дипломдық жұмыстарын да бағалайды. Мейрамбекті де сол жерден байқап, жұмысқа шақырған.
Қажымұқан Жұмалиев, құрылыс басшысы:
- Осы күзде, қыста диплом тапсыру жобасы кезінде барып тұрамын. Көктемде диплом қабылдау жұмысына барамын. Сол кезде осы оқушылардың арасынан қараймыз, таңдаймыз. Білетін, біледі ау, жақсы маман болады ау дегендердің дипломдық жобаларын тексеріп, сосын оларды шақырамыз.
Бүгінде ел бойынша 20 өңірде 320 колледж құрылысшы мамандығы бойынша білім береді. Оның 250-ден астамы — мемлекеттік оқу орны. Жыл сайын бұл бағытқа 7500-ден астам білім гранты бөлінеді.
Иманғали Есімбек, «Тalap» КЕАҚ Зерттеу және мониторинг басқармасының бас менеджері:
- Жыл сайын 8 мыңнан астам студент білімдерін тәмамдап, диплом алып мамандық иегері атанады. Тағы да айта кететін жайт, құрылыс бағытында 2 ірі топқа бөлеміз. Ол екі ірі топ сәулет және қала құрылысы, екіншісі құрылыс жұмыстары және азаматтық құрылыс. Осы екі ірі бағыт бойынша 16 мамандық колледждерде оқытылады.
Қазіргі таңда Мансап орталығы арқылы жастар практикасына 458 адам жолданған. Оның 137-сі — колледжді биыл бітірген. Мамандардың айтуынша жұмыс берушілер өндіріс және құрылыс мамандарына көбірек сұраныс білдіреді.
Бағила Сайлаубекқызы, Астана қаласы Мансап орталығының басшысы:
- Алғашқы жұмыс орны деген бар. Алғашқы жұмыс орны ол мүлдем жұмыс істеп көрмеген 35 жасқа дейінгі жастарға арналған. Дипломы үш жылдан асып кетпеген бітіргеніне, мүлдем жұмыс істемеген азаматтарға арналған. Осы жыл жұмысшы мамандықтар аталғаннан кейін бізде қазір кәсіптік қысқа мерзімді курстар бар. Ол ер азаматтарға да, әйел ащаматтарға да арналған курстарымыз бар.
Кейінгі жылдары елде құрылыс саласына сұраныс жоғары. Жыл сайын мыңдаған грант бөлініп, жүздеген түлек еңбекке араласады. Сарапшылардың айтуынша, жұмысшы мамандар қатары көбеймесе, азаймасы анық.
Сержан Айтжан, Мадияр Қындыбаев, 24KZ
