Абай облысы Алакөл көлінде 14 адам, соның ішінде 8 бала құтқарылды, — деп хабарлайды Massaget.kz тілшісі.
3 тамызда өңірдің ТЖД құтқарушылары жағадан 20 шақырым қашықтағы аралда қалып қойған 14 адамды, соның ішінде 8 баланы эвакуациялады.
"Қайықтан ақау шығып, соның салдарынан бір топ адам өз бетінше жағаға жете алмай, жауын-шашын мен бұршақ астында тұруға мәжбүр болды. Жедел құтқару жасағы зардап шеккендерді жағаға шығарды. Ешкімге медициналық көмек қажет болмады", — деп жазылған хабарламада.
ТЖМ суға шықпас бұрын қайықтың техникалық жағдайын мұқият тексеріп, қауіпсіздік шараларын сақтау қажет екенін еске салды.
Қызықты жаңалықтар мен видеоларды көру үшін TikTok арнамызға жазылыңыз!
