Көлік және коммуникация қызметкерлері күніне орай Жамбыл облысындағы 100-ден астам теміржолшы марапатталды .
Олардың қатарында үздік мамандар мен сала ардагерлері бар. Салтанатты жиында салаға еңбегі сіңген еңбек адамдарына «Құрметті теміржолшы» атағы берілді. Бүгінде облыстың барлық ауданында 8 мың теміржолшы еңбек етеді. Жамбыл облысындағы шойын жол арқылы халықаралық бағыттар мен жүк тасымалы күнделікті өтіп жатыр. Мәселен жыл басынан бері облыстағы темір жолдар арқылы 13 млн тоннадан астам жүк тасымалданып, 400 мыңнан астам жолаушыға қызмет көрсетілген.
Қуат Әжібаев, «Қазақстан темір жолы» ҰК АҚ Шу станциясының пойыз құрастырушысы:
- Пойыз құрастырушы қызметінде 25 жыл болды. Сол 25 жасымда келгенмін, биыл 50-ге келдім. Біздің жұмыс өте қауіпті жұмыс, күрделі, ең қиын жұмыс. Сол 25 жылда осындай марапатқа ие болып отырмыз. Еңбегімізді елеп, рақмет бәріне.
