17 жастағы Дамир Жалғасбай ересектер арасында кәсіби тенниске қадам басты.
Қазақстандық теннисші Дамир Жалғасбай Испанияда өткен ITF M15 Girona Open турнирінде жұптық сында чемпион атанды. Бұл оның ересектер арасындағы кәсіби деңгейдегі алғашқы титулы.
Жалғасбай латвиялық әріптесі Артурс Загарспен бірге финалда швейцариялық Адриен Бурде мен мексикалық Алан Сау Франконы 6:2, 6:1 есебімен жеңді.
Турнир Girona қаласында Халықаралық теннис федерациясының ұйымдастыруымен өтті және жас теннисшілер үшін ATP рейтингіндегі ұпай жинауға мүмкіндік береді. Бұл жеңіс Дамирдің рейтингтік көрсеткішіне оң әсер етіп, оның кәсіби мансабындағы жаңа кезеңнің бастамасы болды.
