Шілдеде Қазақстан халқының саны 20 млн 300 мыңнан асты. Ал еліміздің жеті өңірінде миллионнан астам адам тұрады, деп хабарлайды "КТК" арнасы.
Ұлттық статистика бюросының 2025 жылғы 1 шілдедегі мәліметі бойынша азаматтарымыздың 12 млн 900 мыңдайы қалада тұрса, ауылда 7 млн 500 мыңдай тұрғын бар. Елімізде тұрғындар саны бір миллионнан асқан жеті өңір бар:
- Алматы қаласы мен Түркістан облысында ресми тіркелген азамат саны тіпті екі миллионнан көп;
- Астана қаласы мен Алматы облысында бір жарым миллион;
- Жамбыл облысы мен Шымкентте миллион 200 мың тұрғын болса, "миллионер өңірлер" жетілігін Қарағанды облысы бір миллион жүз мың адаммен тұйықтап тұр.
Айта кетсек, елімізде халық саны 20 миллион межесінен 2023 жылдың қарашасында асып кеткен.
Дереккөз: "КТК" арнасы
Мәтіннен қате тапсаңыз, бізге жазыңыз
