Дәрігерлердің мәліметі бойынша, бүгін зардап шеккен балалардың кішісінің жағдайы кешке қарай нашарлаған, деп хабарлайды Skifnews .kz ақпарат порталы Kazinform-ға сілтеме жасап
Павлодар облыстық балалар ауруханасынан хабарланғандай, бір жарым жастағы баланың жағдайы күні бойы өте ауыр әрі тұрақсыз болған, ал кешкі уақытта одан сайын нашарлаған.
— Сағат 20:10–да баланың жүрегі тоқтады. 20:40–та бала өлімі тіркелді. Дәрігерлер екі тәулік бойы баланың өмірі үшін күресті, бірақ өкінішке қарай, оны аман алып қалу мүмкін болмады, — деп мәлімдеді облыстық аурухана өкілдері.
Еске сала кетсек, 30 шілде сағат 13:00–де медицина қызметкерлеріне әйелдің екі баласын терезеден лақтырып, содан кейін өзі 5-қабаттан секіргені туралы хабар түскен еді.
