Президент Әкімшілігінің келісімімен және Абай облысының әкімі Берік Уәлидің өкімімен 2025 жылдың 1 тамызынан бастап Мейірлан Раханов облыс әкімінің орынбасары қызметіне тағайындалды, деп жазады inbusiness.kz сайты.
Мейірлан Раханов 1988 жылы Қарағанды облысында дүниеге келген. Қазтұтынуодағы Қарағанды экономикалық университетін бітірген.
Еңбек жолын 2011 жылы Қарағанды әкімдігінің ішкі саясат басқармасында бастаған.
2012 жылы Қарағанды облысы бойынша салық басқармасында жетекші маман болып жұмыс істеді.
2012-2013 жылдар аралығында Қарағанды облысы әкімдігінің ішкі саясат басқармасының бас маманы қызметін атқарған.
2013-2016 жылдары – Ақпарат комитетінің баспа БАҚ бөлімінің сарапшысы, бас сарапшысы.
2016-2021 жылдары – Қазақстан Республикасы Президентінің баспасөз қызметінің сарапшысы, кеңесшісі, инспекторы.
2021 жылғы шілдеден 2023 жылғы желтоқсанға дейін Қазақстан Республикасы Президентінің баспасөз қызметі секторының меңгерушісі болды.
