Құстардың өлекселері уәкілетті органдардың қатысуымен кәдеге жаратылды.
Атырау облысындағы "Ақжайық" мемлекеттік табиғи резерватында құстардың өліміне инфекциялық ауру себеп болмаған. Бұл туралы резерват әкімшілігімәлімдеді, деп хабарлайды inbusiness.kz сайты.
2025 жылғы 20 шілдеде Шалыга аралында бірнеше өлі шағала табылып, олардың биоматериалдары ветеринария жөніндегі ұлттық референттік орталыққа зертханалық сараптамаға жіберілген.
"Сынақ хаттамасына сәйкес жұқпалы ауру белгілері анықталған жоқ", – делінген мекеме таратқан мәлімдемеде.
Құстардың өлекселері уәкілетті органдардың қатысуымен кәдеге жаратылды. Сонымен қатар резерват қызметкерлері аумақтағы құстар популяциясының жағдайына тұрақты түрде мониторинг жүргізіп отыратынын атап өтті.
