Сенат депутаттары бірқатар өңірде Президенттің бас­тамасымен жүзеге асып жатқан «Келешек мектеп­тері» ұлттық жобасы аясындағы шаралармен қоса білім беру саласындағы мемлекеттік басым бастамаларды іске асыру барысымен танысты. Аталған жоба зама­науи, қауіпсіз және жайлы білім беру ортасын қалыптас­тыруға бағытталған.

Сенатор Ернұр Әйткенов «Келешек мектептері» жобасы аясында салынып жатқан жалпы білім беретін мектептің құрылысымен танысты. Ол Павлодар қаласындағы қар­қынды дамып келе жатқан «Достық» шағын ауданында салынып жатыр. Қазір жұмыстың 80 пайызға жуығы аяқталды. Мектеп жаңа оқу жылында пайдалануға берілмек.

«Адами капиталдың негізі мектепте қаланады, азамат­тық жауапкершілік тәр­биеленеді және білім мәде­ниеті қалыптасады. «Келе­шек мектептері» оқу инфрақұ­ры­лымында уақыттың аса маңыз­ды талабына жауап бере­тін жаңа деңгейдегі эталон болатынына сенімдімін», деп атап өтті Е.Әйткенов.

Ғимаратта заманауи оқу кабинеттері, зертхана мен шеберхана, акт және спорт зал­дары, абаттандырылған аула бар. Білікті педагогикалық құрам жасақталып, оқу сыныптары жасалады.

Сондай-ақ Сенат депутаттары Наурызбай Байқадамов пен Руслан Рүстемов Қызыл­орда облысына жұмыс сапары барысында «Келешек мектеп­терімен» танысты. Қызылорда қаласында 1 500 орындық мектеп құрылысы басталған.

«Келешек мектептері» жобасы – жаңа сападағы мектеп инфрақұрылымын қалып­тастыру бағытындағы маңызды қадам. Заманауи, жайлы және технологиялық мектептер балалардың білімі мен даму орталығына айнал­ған. Сондықтан құрылыстың уақтылы аяқталуын ғана емес, оның жоғары стандартқа сәйкестігін де қамтамасыз ету керек», деді Н.Байқадамов.

Бұған қоса Қызылорда­дағы аграрлық секторға орта буын мамандар даярлайтын агротехникалық колледжде болды. Мұнда жыл сайын 140-тан аса түлек сұранысқа ие мамандық иесі атанып, ауылдық өңірлерді білікті кадрлармен қамтамасыз етуге үлес қосып келеді.

«Мемлекет басшысының осы жылды Жұмысшы маман­дықтар жылы деп жариялауы тегін емес. Тәжірибесі бар білікті мамандарға сұра­ныс артып отыр. Жастар еңбек нары­ғында табысты болуы үшін кол­ледждерді зама­науи техникалық жабдықпен қамтамасыз етіп, цифрлық және инновациялық білім беру стандарттарын ен­гізу қажет. Жұмысшы кадр­ларды даярлау – мемлекеттің стратегиялық басымдығының бірі», деп атап өтті Р.Рүстемов.

Ал депутат Ольга Булавкина Шығыс Қазақстан облысының Глубокое ауданында өткен Дала күніне арналған іс-шараға қатысты. Онда элиталық тұқым­дар, келешегі бар сұрыптар мен будандардың, сондай-ақ заманауи агротехнологияны қолдана отырып өсірілген жеміс-жидек дақылдары өнімдерінің көр­месі ұйымдастырылды. Қатысу­шылар өсімдік шаруашылығы саласындағы ғылыми соңғы жаңалықтармен танысып, ауыл шаруашылығы дақылдарының өнімділігі мен тұрақтылығын арттыру мәселелері бойынша тәжірибе алмасты.

«Парламенттік бақылау аясында агроөнеркәсіп кешені саласындағы мемлекеттік бағ­дар­ламаларды іске асырудың тиімділігіне ерекше назар аударып отырмыз. Мемлекет ауыл шаруашылығы өндірушілерін қолдауға, отандық сорттарды ілгерілетуге, ғылыми базаны нығай­туға және инновацияны ен­гізуге күш салып отыр. Ауылдық жерлердің орнықты дамуы мен ішкі және сыртқы нарықтағы өнімнің бәсекеге қабілеттілігін арттыру оларды іске асыруға байланысты», деп атап өтті сенатор.

Жалпы, еліміздің агро­өнер­кәсіп кешенін одан әрі дамы­туға мемлекет, ғылым және бизнес арасындағы өзара іс-қимылды нығайту маңыз­ды. Оған аграрлық ғылымды да­мы­тып, инновациялық ше­шім­дерді енгізу қажет. Сон­дай-ақ ауыл шаруашылығы өнімін өндірушілердің ғылыми жетістіктерге қол жеткізуін кеңейтіп, аграрлық секторға мемлекет қолдауын арттыру да назардан тыс қалмауы керек.