Қазақстандық Мадхия Усманова әйелдер күресінен Грекияның Афина қаласында өтіп жатқан жасөспірімдер арасындағы әлем чемпионатында жеңімпаз атанды, деп хабарлайды Zakon.kz.
57 келіге дейінгі салмақ дәрежесінде белдескен Усмановаға бұл жолы тең келетін қарсылас табылмады. Финалда ол Үндістан өкілі Мониді 6:5 есебімен ұтып, алтын жүлдеге қол жеткізді.
Ал 43 келіге дейінгі салмақта Інжу Баққожа қола медаль еншіледі.
Айта кетейік, бұған дейін грек-рим күресінен Жаңажол Қуанышбек те алтын медаль жеңіп алған болатын.
Бұған дейін 9-10 шілде аралығында Бішкек (Қырғызстан) қаласында грек-рим күресінен жастар арасында өткен Азия чемпионатында қазақстандық балуандар екі алтын медаль жеңіп алғаны хабарланған.
