Бұған дейін қала әкімі Дархан Сатыбалды Шығыс айналма жолы бойындағы газон дұрыс суарылмайтынын сынға алған болатын.
Алматы қаласы Медеу ауданының әкімі Еркебұлан Оразалин әлеуметтік желіде шу туғызған видеоға қатысты түсініктеме беріп, видео түсірді. Оның айтуынша, Шығыс айналма жолы бойындағы газон жай боялып қана жатқан жоқ, оған қоса арнайы өніммен өңделіп жатыр. Бұл бояу газонды эстетикалық тұрғыдан әдемірек етеді, түрлі зиянкестерден қорғайды және ылғалдандырады.
Әкім биыл жаздың құрғақ болуына және соңғы айда мүлде жауын-шашынның болмауына байланысты өзге елдерде қолданылатын осы тәжірибе қолға алынғанына назар аударды.
"Бұл арнайы мамандырылған өнім. Екіншіден, оның ешқандай зияны жоқ. Жалпы, аудандағы жасыл желектері мен аймақтарының күтімі бойынша жүйелі түрде жұмыс жалғасуда", – деді ол.
Әкімнің сөзінше, бұл өнім АҚШ, БАӘ және Еуропа елдерінің құрғақ өңірлерінде кеңінен қолданылады.
Еске салайық, Алматы әкімі Дархан Сатыбалды 28 шілдеде Медеу ауданында Шығыс айналма жолының бойындағы суару жүйесі газонды емес, жолды "суарып" жатқанын айтып, сынға алған болатын.
Оқи отырыңыз:
"По Аль-Фараби система поливает не газон, а дорогу". Аким Алматы дал поручения по недоработкам в городе
