Бокстан Париж Олимпиадасының қола жүлдегері Назым Қызайбай Instagram желіcіндегі парақшасында 40 балаға қуаныш сыйлағанын мәлімдеді, деп хабарлайды KAZ.NUR.KZ.
Боксшы мектепке 5-6 баласы баратын ата-аналарға ақшалай көмек қолын созғанын айтты. Ол қалтасынан 2 млн теңге шығарып, аналарға бөліп берген.
"-2 млн теңге, +40 бақытты бала, күлімдеген көп балалы аналар. Жақсылық санмен емес жүрекпен өлшенеді", — деп жазды Назым Қызайбай Instagram желісінде.
Айтуынша, ол төрт, бес, алты баласы мектепке баратын аналарға көмектескен. Ал мұқтаж отбасылар әлі де көп. Боксшы басқаларды да жақсылық жасауға шақырды.
"Егер шын ниетпен көмектескісі келетіндер болса, жеке мәліметтерін бере аламыз, көмекшіме жазсаңыздар болады. Барлығынан құжат сұралды, аударым тек растаудан кейін жасалады.
Аз да болса қолымнан келгенше көмектестім. Мүмкіндік болса тағы да көмектесемін, Алла қаласа", — деп жазды боксшы.
Мәтіннен қате тапсаңыз, бізге жазыңыз
