Камчаткада Еуразияның ең биігінде орналасқан Ключевский шоқысында жанартау оянып, атқылай бастады. Жанартаудың белсенділігі 1952 жылдан бергі аймақта күні кеше болған ең күшті жер сілкінісінен кейін көп ұзамай тіркелді, деп хабарлайды Zakon.kz.
РҒА Бірыңғай геофизикалық қызметінің аймақтық филиалының хабарлауынша, Ключевский шоқысының батыс беткейінен лава аға бастаған. Кратердің үстінде жарқыраған жарқыл мен жарылыстар байқалады. Сейсмологтар кратерде лаваның жиналп жатқанын, сондықтан 10 шақырымға дейін оның күлі көтерілуі мүмкін екенін ескертеді.
Ключевский шоқысының биіктігі — 4 850 метр. Жанартау Петропавл-Камчаткадан 360 шақырым жерде орналасқан және Жер бетіндегі ең белсендісі болып саналады.
Жанартау 30 шілдеге қараған түні тіркелген 8,7 баллдық жойқын жер сілкінісінен кейін көп ұзамай белсенді бола түскен. Жер сілкінісінің ошағы Тынық мұхитта, Петропавл-Камчатский өңірінен шығысқа қарай 198 шақырым жерде орналасқан. Ол соңғы 70 жылдағы ең күштісі болды.
Табиғи апаттан зардап шеккендер жоқ. Алайда Курил аралдарына төрт цунами толқыны көкке көтерілді. Жапонияда, Қытайда, Гавайиде, Чилиде, Эквадорда, Перуде және Мексикада да цунами болуы мүмкін екені жарияланды. Күні бойы аймақта жер сілкінісінің толқындары жалғасуда, олардың біреуінің магнитудасы 6,2 балл болды.
