Жамбыл облысының Мемлекеттік кірістер департаментінің бас маманы делдал болғаны үшін сотталды , — деп хабарлайды Massaget.kz тілшісі.
Мән-жай
Жамбыл облысының қылмыстық істер жөніндегі мамандандырылған ауданаралық соты облыстық мемлекеттік кірістер департаментінің бас маманы С.Үкімбаевқа, Тараз қаласының тұрғындары Э.Мурадовқа және Т.Телеуовке үкім шығарды.
Сот үкімі
Мұрадов пен Телеуов бұрын тәркіленген және сот шешімі бойынша жойылуы қажет темекі өнімін бергені үшін қалалық қаржы бөлімінің лауазымды адамдарына 200 мың АҚШ доллары сомасында пара бергені үшін, ал Үкімбаев парақорлыққа делдал болғаны үшін кінәлі деп танылды.
"Сот үкімімен Мұрадовқа 10 жылға, Телеуовке 9 жылға, Үкімбаевқа 3 жылға бас бостандығынан айыру жазасы тағайындалды", — деп жазылған хабарламада.
Сонымен қатар, Үкімбаев өмір бойы мемлекеттік қызметте және квазимемлекеттік сектор субъектілерінде қызмет атқару құқығынан айырылды. Сот актісі заңды күшіне енген жоқ.
Өзекті жаңалықтарды өз уақытында оқу үшін Facebook парақшамызға жазылыңыз!
