Қазақстан ерлер құрамасы семсерлесуден Грузияның Тбилиси қаласында өтіп жатқан әлем чемпионатының жартылай финалына жолдама алды, деп хабарлайды Zakon.kz.
Семсер қаруымен айқасудың ширек финалында отандастарымыз Италия құрамасынан басым түсті.
Тартысты өткен кездесуде қазақстандықтар 45:43 есебімен жеңіске жетті.
Айта кетейік, 1/8 финалда Қазақстан құрамасы Қытайды, ал 1/16 финалда Ресей құрамасын жеңген болатын.
Жартылай финалда жерлестеріміз Жапониямен кездеседі.
Еске салайық, бұған дейін Елена Рыбакина Монреальда өтіп жатқан ірі турнирдің үшінші кезеңіне жолдама алғанын хабарлаған едік.
