Алматы қаласы Төтенше жағдайлар департаментінің мамандары қала тұрғындарына 30 шілдедегі күн райына байланысты ескерту жариялады, деп хабарлайды KAZ.NUR.KZ ведомствоның баспасөз қызметіне сілтеме жасап.

"Қазгидромет" мамандарының дауылды ескертуінің негізінде 30 шілдеде күндіз Алматы қаласында найзағай күтіледі. Батыстан соққан желдің екпіні секундына 18 метрге дейін жетеді", — делінген ТЖД хабарламасында.

Сонымен қатар құтқарушылар найзағай кезінде не істеу керегіне байланысты тұрғындарға кеңес берді.

Найзағай кезінде не істеу керек

  • Найзағай кезінде үйде болсаңыз, электр сымдарына, антенналарға жақындамаңыз, терезелерді жабыңыз, теледидарды, радионы және басқа тұрмыстық электр аспаптарын өшіріңіз және металл заттарға тиіспеңіз.
  • Жаңбыр басталғанға дейін табиғатта демалып жүрсеңіз, шатырды жақсы бекітіңіз, барлық металл заттар: ыдыс-аяқ, күрек, ара, балға, барбекю) адамдардан 15-20 метр әрірек қойыңыз, шатырда жатып, найзағайдың аяқталғанын күтіңіз. Егер шатыр болмаса, онда топырақтан оқшаулаңыз. Астыңызға полиэтилен, бұтақтар, тас салыңыз. Отырыңыз және тізеңізді бүгіп басыңызды төмен түсіріп, аяғыңызды полиэтиленмен жабыңыз, өйткені дымқыл дене мен киім найзағай түсу қаупін арттырады.
  • Ашық жерлерде, далада, құрғақ шұңқырларда, арықтарда, жартастарда найзағайдан қорғану керек. Бірақ егер олар суға тола бастаса, ол жерден кеткен дұрыс.
  • Құмды және тасты жерлер саздан гөрі қауіпсіз екенін есте ұстаған жөн.
  • Төбелерде, металл қоршаулардың жанында, электр беру желілерінің тіректерінің және сымдардың астында тұрмаңыз.
  • Найзағай кезінде шомылмаңыз, су қоймасына жақын жүрмеңіз, қайықпен жүзбеңіз, балық аулауға шықпаңыз.
  • Егер сіз су айдынында жүріп, найзағайдың жақындап қалғанын көрсеңіз, дереу акваториядан шығыңыз, жағалаудан алыс кетіңіз. Ешбір жағдайда жағалаудағы бұталарға тығылуға тырыспаңыз.
  • Ашық кеңістікті кесіп өтуіңіз керек болса – жүгірмеңіз, ақырын жүріңіз. Ұялы телефонды сөндіріңіз.
  • Егер сіз автомобильде келе жатып, найзағай басталса, терезелерді жауып, радиоқабылдағыштың антеннасын түсіріңіз. Қозғалысты тоқтатыңыз және жол жиегінде немесе автотұрақта, биік ағаштардан алыстау тұрыңыз, биік жерде немесе ашық далада тұрмаңыз, автомобиль салонында найзағай аяқталғанын күтіңіз, машиналардың арасында немесе автомобиль шанағының жанында тұрмаңыз, металл заттарға отырмаңыз, көліктің астына тығылмаңыз. Қолыңызбен металл заттарды ұстамаңыз.
  • Велосипед пен мотоцикл бұл уақытта қауіпті болуы мүмкін. Оларды жерге жатқызып, кем дегенде 30 метр қашықтыққа апарып тастау керек.
  • Найзағай кезінде сіз сыртта болсаңыз, есіңізде болсын: найзағай аймағында жүгіруге және әбігерге түсуге болмайды, барлық металл әшекейлерді (сақиналар, сырғалар) шешіп қойыңыз, эл сымдарына жақындамаңыз. Металл қоршаудың, болат құбырлардың, рельстердің жанында, сондай-ақ басқа электр өткізгіштердің жанында тұрмаңыз.
  • Ауылшаруашылық техникасына және мотоциклдер мен велосипедтер сияқты шағын көліктерге жақындамаңыз.

Мәтіннен қате тапсаңыз, бізге жазыңыз