Германияның Саксония өңірінде апатқа ұшыраған әскери тікұшақтың ұшқышы іздестіріліп жатыр, деп хабарлайды Zakon.kz.
Bild газеті куәгерлерге сілтеме жасай отырып, тікұшақ бөлшектері Мульда өзенінен байқалғанын жазады.
Оқиға орнына өрт сөндірушілер, полицейлер, сүңгуірлер аттанды.
"Сейсенбіде Гольцерн мен Требзен арасындағы Гримма маңында тікұшақ апатқа ұшырады", делінген хабарламада.
Тікұшақ бөлшектерін өзен бетінде қайықпен жүрген ескекшілер кезіктірген. Мұның Дрезден – Лейпциг А14 тас жолына жақын маң екені айтылады.
Саксония — елдің шығысында орналасқан Германия құрамындағы федералды өңір.
Hubschrauber auf Bundeswehr-Flug stürzt in Fluss https://t.co/0fv5SimhO3 pic.twitter.com/HYKnyaTVFo
— WELT (@welt) July 29, 2025
Бұған дейін Ресейде жолаушылар ұшағы апатқа ұшырағанын жазғанбыз.
