Астанада мұндай деректерді жиі кездестіруге болады.
Балаларды күмәнді қайырымдылыққа тарту – заңсыз. Бұл туралы Еңбек және халықты әлеуметтік қорғау вице-министрі Асқар Биахметов Үкіметте өткен баспасөз брифингінде айтты, деп хабарлайды inbusiness.kz сайты.
БАҚ өкілі автобустарда балалардың қайырымдылыққа деп ақша жинауы жиілегенін айтты. Оқушыларды осындай шараларға тарту олардың еңбегін қанау емес пе деп сұрады.
"Ондай фактілер болса, бізге жазбаша түрде берсеңіз. Біз зерттеп, тиісті жауабын береміз", – деді Асқар Биахметов.
Тілші "Балаларды күмәнді қайырымдылыққа тарту заңды ма?" деп нақтылады.
"Әрине, ол заңды емес. Бірақ та, ондай фактілер болса, зерттеп, тиісті жұмыс жүргізу қажет", – деді вице-министр.
