"Денсаулық сақтау" Қазақстандық халықаралық көрмесі 30 жылдан бері Орталық Азия мен Қазақстандағы ғылыми және практикалық медицина мен фармацевтика саласындағы жетістіктердің ең ірі демонстрациялық алаңы болып табылады. Жыл сайын ол әртүрлі мамандықтағы дәрігерлерді, фармацевтерді, әртүрлі елдердің билік және бизнес өкілдерін біріктіреді.
Алматы болашақ медицинасының алаңына айналады. Халықаралық көрме оңтүстік астананың беделін көтерді, деп хабарлайды Caravan.kz медиа порталы.
21–23 мамыр аралығында Алматыда Орталық Азиядағы ең ірі медицина саласындағы шара өтіп жатыр. KIHE 2025 және PharmaTECH Kazakhstan халықаралық көрмесіне 19 елден 329 компания қатысты. Олар медициналық құрал-жабдықтар, дәрі-дәрмектер, шығыс материалдары мен клиника мен зертханаларға арналған заманауи технологияларды таныстырды.
Олардың ішінде 185 компания алғаш рет қатысып отыр. Қазақстан нарығына халықаралық медициналық қауымдастықтың қызығушылығы артып келеді. Көрмеде ерекше назарға іліккендердің бірі – Ресейдің 16 аймағынан келген отызға жуық компанияның заманауи әзірлемелері болды.
Самара қаласындағы «Жаңа технологиялар» ЖШҚ компаниясы нейрохирургия, нейрореабилитация және қозғалыс функцияларын қалпына келтіруге арналған озық құралдарды ұсынды. Бұл құрылғылар виртуалды шындықты, биологиялық кері байланысты, оптикалық трекинг пен нейрожүйелерді қолдана отырып, науқасты толықтай емдік ортаға енгізіп, оның қалпына келуіне үлкен мотивация береді.
Ал «Модус» компаниясы жаңа туған сәбилердегі өкпе гипертензиясын емдеуге арналған бірегей құрылғыны көрсетті. Бұл құрал «Росатоммен» бірлесіп жасалған. Оның басты артықшылығы – қосымша шығын материалдарының болмауы, бұл оны қолжетімді әрі үнемді етеді. Құрылғы Ресейде сәтті қолданылып жатыр, Ал Қазақстанда оның арқасында бірнеше нәрестенің өмірі құтқарлыды.
Ресейлік экспорт орталығының өкілдерінің айтуынша, Қазақстан мен Қырғызстанда ресейлік медициналық жабдықтарға сұраныс жоғары. Көптеген компаниялар Қазақстанда өндіріс пен дистрибуция жолға қойып, жаңа фармацевтикалық жобаларды талқылап жатыр.
Ұйымдастырушылардың мәліметінше, көрмеге 4 500-ден астам маман, олардың ішінде бас дәрігерлер, фармацевтер, бизнес өкілдері қатысты. Олардың барлығы көрмедегі жаңашылдықтар мен практикалық шешімдердің жоғары деңгейін және аймақтық денсаулық сақтау жүйесіне енгізу әлеуетін атап өтті.
KIHE 2025 көрмесі Орталық Азиядағы медициналық хаб ретіндегі мәртебесін тағы бір мәрте дәлелдеп, трансшекаралық серіктестік пен жаңа технологияларға жол ашты.
