Шымкентте әлеуметтік маңызы бар азық-түлік бағасына жүргізілген мониторинг нәтижесінде жыл басынан бері 200-ден астам кәсіпкер әкімшілік жауапкершілікке тартылды, деп хабарлайды Egemen.kz.
Қалалық әкімдіктің мәліметінше, олардың ішінде 15 сатушы ет бағасын негізсіз көтерген.
– Айта кету керек, сиыр еті (жауырын-төс бөлігі) әлеуметтік маңызы бар 19 азық-түлік тізіміне кіреді және оның бағасы тұрақты бақылауда, – деді қалалық ауыл шаруашылығы басқармасы.
Басқарма басшысы Талғат Мекамбаевтың айтуынша, Шымкентте шамамен 60 әлеуметтік сауда нүктесі жұмыс істейді. Сонымен қатар, қалада апта сайын ауыл шаруашылығы жәрмеңкелері ұйымдастырылып, онда сиыр еті 3200-3300 теңге аралығында тұрақты бағамен сатылады.
Ал таза ет бағасы реттелетін тауарлар тізіміне кірмейді.
