KC Energy Group 2025 жылғы көктемгі дала жұмыстары кезеңінде Қазақстан аграрлық қызметкерлеріне 186 мың тоннадан астам дизель отынын жеткізді.
Компания 2025 жылдың көктемгі дала жұмыстары науқанын аяқтады, оның аясында Қазақстанның ауыл шаруашылығы өнімін өндірушілеріне 186,4 мың тонна дизель отыны жеткізілді.
Жеткізу көлемі өткен жылдың осы кезеңімен салыстырғанда 8,5 мың тоннаға артты, бұл көрсеткіш Энергетика министрлігі мен Ауыл шаруашылығы министрлігі бекіткен, өңірлерді мұнай өңдеу зауыттарына бекіту кестесіне сәйкес компания жүргізген жүйелі жұмыстың нәтижесі болып табылады.
Дизель отыны еліміздің 13 өңіріндегі ауыл шаруашылығы өнімін өндіруші 79 оператордың атына жеткізілді.
Ең көп көлем Түркістан (22%), Ақмола (15%), Павлодар (14%) және Қостанай (13%) облыстарына бөлінді. Сонымен қатар, компания басқа ресурстаушы — "Бузачи Нефть Трейдинг" ЖШС атынан 0,8 мың тонна көлеміндегі жеткізу міндеттемесін орындады.
Дизель отынының жеткізілімі 2025 жылғы көктемгі дала жұмыстарының бекітілген Кестесі мен ҚР Энергетика министрлігінің ай сайынғы жиналыстарының хаттамаларына қатаң сәйкестікте жүзеге асырылды.
KC Energy Group отынның мекенжайлық бөлінісіне қатыспайды — бұл шешімдерді жергілікті атқарушы органдар ғана қабылдайды.
Сондай-ақ компания бағаның қалыптасуына әсер етпейді: арзандатылған дизель отынының бағасы уәкілетті мемлекеттік органмен ай сайынғы ресми жиналыстар аясында белгіленіп, бекітіледі.
2025 жылғы күзгі дала жұмыстарының бекітілген графигіне сәйкес KC Energy Group аграрлық қызметкерлеріне 165,5 мың тонна дизель отынын жеткізеді.
KC Energy Group мұнай өнімдерімен ішкі нарықты тұрақты қамтамасыз ету саясатын жүйелі түрде жүзеге асырып келеді және мемлекеттік бағдарламалар аясындағы барлық міндеттемелерін орындап, Қазақстанның агроөнеркәсіптік кешенінің сенімді серіктесі болып қалып отыр.
Анықтама үшін: 2023 жылғы 27 желтоқсанда құрылған KC Energy Group компаниясы — Қазақстандағы жетекші кәсіпорындардың бірі, қызметі шикі мұнайды сатып алудан бастап, оны ҚР-ның МӨЗ-де өңдеу және дайын мұнай өнімдерін ел ішінде әрі шетелде өткізуге дейінгі толық циклді қамтиды. Компания республика халқы мен экономиканың негізгі салаларын мұнай өнімдерімен қамтамасыз етеді.
