ҚР Денсаулық сақтау министрлігі азаматтарды скринингтік зерттеп-қарауларға шақырумен байланысты алаяқтық жағдайлар жиілеп тұрғанын ескертеді, деп хабарлайды Zakon.kz.
Ведомство мәліметінше, қаскөйлер медициналық ұйымдардың атынан қоңырау шалып, СМС-тен кодты жазып, скринингтік жазбаны растауды сұрайды.
"Ешқандай мемлекеттік медициналық мекемелер СМС код арқылы жазбаны растауды талап етпейтінін атап өтеміз. Мұндай кодтар, әдетте, цифрлық қызметтерге кіру немесе операцияларды растау үшін қолданылады және оларды үшінші тұлғаларға мүлдем беруге болмайды". ҚР Денсаулық сақтау министрлігінің баспасөз қызметі
Бұған дейін Бас прокуратура фейк пен жалған медиа контентті тарату фактілері жиілеп тұрғанын ескерткен.
