Дүниежүзінде 300 млн-нан астам жан үйсіз жүр.
Бұл ақпаратты БҰҰ жариялады, деп жазады inbusiness.kz сайты.
Ұйымның дерегінше, 2 млрд 800 млн адам үй деп айтуға келмейтін бейресми паналарда тұрады.
Жағдайды жаһандық тұрғын үй нарығындағы дағдарыс ушықтыра түскен. Найробиде өткен жиында ұйым өкілдері Азия-Тынық мұхиты аймағында миллиондаған адамның суға қол жеткізе алмай, санитарлық қажеттіліктері өтелмей отырғанын да атап өтті.
Ұйым өкілі Россбах әлемнің көптеген бөлігінде әсіресе Африкада қалалық тұрғын үйлердің 62 пайызы бейресми екенін, ал Азия-Тынық мұхиты аймағында 500 миллионнан астам адам суға зәру екенін мәлімдеді.
