Әнші Жұбаныш Жексенұлы италиялық келіні туралы айтты.
Бұл туралы «Сыр» Youtube подкастында қонақ болып, отбасылық өмірі туралы айтты.
«Иә, үлкен келінім италиялық. 5-6 жыл қарсы болып жүрдік. «Қазақ табылмай қалды ма» деген әңгімелер болды. Өзіміз қазақы ортада, ауылда өскен адамдармыз. Қоймай қойып, баламмен дұрыстап сөйлескен барып, «саған солай ыңғайлы ма» деп сұрадым. «Шашының түсі басқаша болғанына ол кінәлі ме» деген әңгімелер болды. Әрине біздің қазақтың қыздары да ақылды. Бірақ жүрекке әмір жүрмейді. Мың қазаққа татитын бір италиялық қыз бар, мың италияның қызына татитын бір қазақ қыз бар. Сондықтан таңдауы сондай болса, біз оған қалай келіспейміз?! Өмір бойы сүйгеніне қосыла алмай, өтірік үйленіп соның зардабын шегіп жүргенін ешқандай ата-ана баласына тілемейді», — деді әнші.
