Әлемнің 34-ракеткасы Александр Бублик кәсіби мансабында алғаш рет топырақ төсенішінде өткен ATP 250 санатындағы турнирде чемпион атанды. Турнир Швейцарияның Гштаад қаласында өтті, деп хабарлайды Zakon.kz.
Финалда Қазақстанның бірінші ракеткасы аргентиналық Хуан-Мануэль Серундолоны (әлемдік рейтингте 109-орында) қиын матчта 6:4, 4:6, 6:3 есебімен жеңді.
Бублик топырақ төсенішінде өткен соңғы 16 матчтың тек екеуінде ғана жеңіліп қалған. Бұл – қазақстандық теннисшінің 2025 жылғы маусымдағы екінші, ал ATP деңгейіндегі жеке санаттағы алтыншы титулы.
Бұған дейін Александр Бублик мына турнирлерде чемпион атанған:
- ATP 250 Монпелье (2022),
- ATP 500 Галле (2023),
- ATP 250 Антверпен (2023),
- ATP 250 Монпелье (2024),
- ATP 500 Галле (2025).
