Астана тұрғындары мен қонақтарына Сығанақ көшесінде орташа жол жөндеу жұмыстары басталатыны туралы ескерту жасалды, деп хабарлайды Zakon.kz.
Қалалық Көлік және жол-көлік инфрақұрылымын дамыту басқармасының мәліметінше, жөндеу жұмыстарына байланысты екі учаскеде көлік қозғалысы бес күнге тоқтатылады:
- Қабанбай батыр даңғылынан Қазақ радиосына дейін;
- Қазақ радиосынан Сауран көшесіне дейін.
"Аталған учаскелерде көлік қозғалысы 20 шілдеден 25 шілдеге дейін толықтай жабылады", — деп хабарлады басқарма.
Тұрғындар мен қала қонақтарынан кептелістің алдын алу үшін жол жүру бағыттарын алдын ала жоспарлау сұралады.
