Перизат Қайрат пен оның анасы Ғайни Алашбаеваға қатысты сот процесінде жәбірленушілердің бірі — Назарбаев зияткерлік мектебінің мұғалімі өз пікірін білдірді , деп хабарлайды Skifnews.kz ақпарат порталы.
Мұғалім Жанерке Сатқынбекова су тасқынынан зардап шеккендерге көмек ретінде Biz Birgemiz Kazakhstan 2030 қорына 2,9 миллион теңге аударғанын айтты.
Соттағы диалог кезінде айыпталушы Перизат Қайраттан дәлелдер жайлы сұрады:
— Ақша ұрланды дегенге қандай дәлелдер келтірілді? — деп сұрады ол.
— Мен дәлел сұраған жоқпын. Олар мені шақырып алып, “неге ақша жібердіңіз, Перизатты танисыз ба?” деп сұрады. Мен жаздым. Ешкім мәжбүрлеген жоқ. “Жазасыз ба?” деп сұрағанда, “иә” дедім. Мен де шындықты білгім келеді, — деп жауап берді мұғалім.
Бұл жауап Перизатты қанағаттандырмай, ол сұрағын жалғастырды:
— Арыз жазу үшін нақты факті болу керек қой, — деді ол.
— Барлығы жазды, мен де жаздым, — деді жәбірленуші.
