Бұл туралы Caravan.kz медиа порталы baq.kz-ке сілтеме жасап хабарлайды. Семинарға еліміздің барлық өңірінен 100-ден астам адам жиналды.
Бұл туралы Caravan.kz медиа порталы baq.kz-ке сілтеме жасап хабарлайды.
Семинарға еліміздің барлық өңірінен 100-ден астам адам жиналды. ҚР Индустрия және құрылыс министрі Ерсайын Нығаспаев ел көлемінде атқарылып жатқан жұмыстар туралы баяндады. Қалалар мен облыстар әкімдері, облыс әкімдерінің орынбасарлары өңірлердегі жағдайды таныстырып, болашақ жоспарларымен бөлісті.
Астана әкімі Жеңіс Қасымбек елорданы дамытуға арналған стратегиялық тәсілдерді ұсынды. Оның айтуынша, қаланың құрылыс саясатының басты басымдығы – әлеуметтік инфрақұрылымды дамыту, атап айтқанда мектептер, емханалар, ауруханалар мен балабақшалар салу.
Сонымен қатар, жаңа жолдар салу және бұрыннан барларын жөндеу жұмыстары қатар жүргізілуде.
Қоғамдық көлік үлесін арттыру арқылы көлік жүйесі де белсенді түрде дамып жатыр. 2029 жылға дейін қоғамдық көлік үлесін қазіргі 41 пайыздан 71 пайызға дейін жеткізу көзделген. Бұл ретте автобус паркі жаңартылып, жаңа көлік айрықтары салынады.
Сонымен бірге, LRT жобасын жүзеге асыру жалғасуда – алғашқы желінің сынақ режимінде іске қосылуы осы жылдың қыркүйегіне жоспарланған.
Жаяу жүргіншілер инфрақұрылымы да дамып келеді.
Елордада көгалдандыру, абаттандыру және сәулеттік жарықтандыру жұмысына ерекше көңіл бөлінуде. Көктем мезгілінің басталуымен «Таза Қазақстан» жобасы аясында түрлі экологиялық акциялар ұйымдастырылады.
Астанада жыл сайын 1 миллионнан астам жасыл желек отырғызылады. Олардың жай-күйін бақылау үшін Көгалдандыру жарғысы енгізіліп, ағаштарды цифрландыру жұмысы басталды.
Биыл 170 қоғамдық кеңістік – саябақтар мен скверлерден бастап негізгі көшелерге дейін абаттандырылуда. Сонымен қатар қаланың көшелерін, жағалаулары мен қоғамдық кеңістіктерін көркейтуге бағытталған ірі жобалар жүзеге асырылып жатыр. Олардың қатарында Кіші Талдыкөл аумағындағы экопарк, Green Line жасыл жаяу жүргінші дәлізі мен жаңа Damu саябағы бар.
