Бүгін сотта Перизат Қайрат пен оның бухгалтері арасындағы даулы хаттың мәтіні оқылды, деп хабарлайды Skifnews.kz ақпарат порталы.
Хатта олар төлем қағаздарын қолдан жасап, есеп беруді талқылағаны анық байқалады. 2024 жылдың 22-қаңтарында Перизат Қайрат былай деп жазады:
«Қап, өзімді қылмыскер сезініп тұрмын», — деп жазған Перизат.
Есепші жауап ретінде аудио хабарлама жолдаған.
«Егер сіз қазір осы төлем қағаздарын жасап берсеңіз, олар өтсе, біз есепті соларға қарап жасаймыз, дұрыс па?
Сосын жалпы, былай жазамыз: не сатып алынды, қанша фунт… доллар қолма-қол. 10 миллион ана жаққа, 10 миллион мына жаққа, тағы 10 миллион ана жаққа, 10 миллион мына жаққа.
Осы төлем қағазынан сүйеніп, есеп шығарып береміз, дұрыс қой?» — делінген хатта.
Сотта басқа да хат үзінділері оқылды.
"200-ді 170 қылып өзгертіңдер".
Бәрін бір сомаға болмайды, екі платежка жасау керек болады.
30 бен 80 қылып жіберіңдер
Маркировка жасау қиын. Телефонның экраны кішкентай", — делінген хабарламада.
Қорытындыға сәйкес, 200 000 және 198600 АҚШ долларына жасалған аударым өтініштері фотополимерлі баспа арқылы қолдан жасалған.
