Сот Қайрат пен оның анасына қатысты алаяқтық пен ақшаны жылыстату ісін қарауды жалғастыруда, деп хабарлайды Skifnews.kz ақпарат порталы.
Прокурор Арман Қызікеннің айтуынша, бұл іс бойынша 47 адам жәбірленуші деп танылған. Олардың қатарында — апасымен бірге су тасқынынан зардап шеккендерге көмек жинаған 4-курс студенті бар. Олар жинаған 3 млн теңгенің 837 726 теңгесін «сенімді» деп есептеп, Biz Birgemiz қорына жіберген. Жәбірленуші сотталушылармен таныс емес екенін айтты. Сондай-ақ сотта осы қорға 1 млн теңге аударған зейнеткер Амина Аймағанбетова сөз сөйледі.
«Қор жетекшісін тек оның ұсталғанынан кейін ғана білдім. Бұл — менің жинаған ақшам еді», — деді Аймағанбетова ақшасын қайтаруды талап етіп. Қазақстандық Ренат Амитов та Перизаттың өзімен сөйлескеннен кейін қорға 700 мың теңге жібергенін айтты. «Ол есеп беремін деп уәде еткен, кейін қоңырауларға жауап бермей кетті», — деді ол.
Қазір сот материалдарының 73-томы зерттеліп жатыр.
