Ауыл шаруашылығы министрлігі киік етінің бағасын жариялады, деп хабарлайды "ҚазАқпарат" ХАА.
Агенттіктің министрліктің баспасөз қызметіне сілтеме жасап жазуынша, киік етінің ұсынылатын құны – бір килограмына 1600 теңге.
Агентіктің мәліметінше, бұған дейін Ауыл шаруашылығы министрі Айдарбек Сапаров киік етінің нақты бағасы 10 күн ішінде анықталатынын хабарлаған.
"Жұмыс енді ғана басталды, бұл іспен Экология және табиғи ресурстар министрлігі айналысып жатыр. Біздің міндет – ет комбинаттарын қамтамасыз ету. Қазір 18 кәсіпорын тіркелген, оларда ветеринарлық мамандар да жұмыс істейді.
Баға, логистика және сату форматына байланысты одан арғы процесс анықталады. Бір апта ішінде, әрі кетсе 10 күнде нақты мәлімет береміз", — деген еді ол үкімет отырысынан кейін өткен баспасөз мәслихатында.
Мәтіннен қате тапсаңыз, бізге жазыңыз
