Қостанай облысында екі бірдей адам өлімі болды. Алдын ала мәлімет бойынша қылмысқа отбасылық жанжал себеп болған, деп хабарлайды облыстық полиция департаментіне сілтеме жасаған KAZ.NUR.KZ.
Ведомствоның баспасөз қызметі хабарлағандай, кеше, 15 шілдеде Қарабалық ауылындағы үйлердің бірінен зорлық-зомбылық белгілері бар екі адамның денесі табылды. Алдын ала болжам бойынша, қылмыс отбасылық жанжал кезінде жасалған.
Бұл факті бойынша полиция қылмыстық іс қозғады. Жедел-іздестіру іс-шаралары барысында қылмыс жасады деген күдікті – 45 жастағы Қарабалық ауылының тұрғыны анықталып, ұсталды.
Қазіргі уақытта қажетті тергеу амалдары жүргізіліп жатыр. Сараптама тағайындалып, оқиғаның себептері мен барлық мән-жайы анықталуда.
Мәтіннен қате тапсаңыз, бізге жазыңыз
