Ақтауда жаяу жүргіншілерге жол бермеген көлік жүргізушісі жазаланды. Жол ережесін бұзған көлік жүргізушісі әлеуметтік желіге мониторинг жүргізу барысында анықталды, деп хабарлайды KAZ.NUR.KZ Ақтау қалалық полиция басқармасына сілтеме жасап.
Оқиға болған сәт автокөліктердің бірінің бейнетіркегішіне жазылып қалған. Видеодан жолды белгіленген жаяу жүргіншілер жолағы арқылы кесіп өтіп бара жатқан балаларды байқауға болады. Оларға бірінші көлік жол бергенімен, екінші жолақтағы Daewoo Matiz көлігі тоқтамай өте шыққан. Абырой болғанда олар дін аман.
Полиция басқармасының мәліметінше, оқиға Ақтау қаласы, Ақжелкен елді мекені маңындағы тас жолда тіркелген.
"Мемлекеттік нөмірі 237SSA12 Daewoo Matiz, көлігінің жүргізушісі жаяу жүргіншілерге жол бермегені анықталды. Ақтау қаласы ПБ инспекторлары Әкімшілік құқық бұзушылық туралы кодексінің 600-бабы бойынша әкімшілік хаттама толтырды", — делінген полиция хабарламасында.
Мәтіннен қате тапсаңыз, бізге жазыңыз
