Мәдениет және ақпарат министрінің бұйрығымен Ерлан Ерғазыұлы Дакенов Мәдениет комитетінің төрағасы лауазымына тағайындалды. Бұл туралы үкіметтің баспасөз қызметіне сілтеме жасаған KAZ.NUR.KZ хабарлайды.
Ерлан Дакенов 1977 жылы Қарағанды облысында дүниеге келген. Қазтұтынуодағы Қарағанды экономикалық университетін, Аймақтық әлеуметтік-инновациялық университетін бітірген.
2000-2008 жылдары – "Ақтоғай Транспорт компаниясы" ЖШС менеджері, заңгері.
2008-2012 жылдары – Астана қаласының Мәдениет басқармасы "Тәуелсіздік сарайы" МКҚК кадр бөлімінің қоюшы-режиссері, продюсер маманы, баспасөз хатшысы, инспектор-аға маманы.
2012-2016 жылдары – Мәдениет министрлігі Мәдениет комитеті "Ақ жауын" мемлекеттік камералық оркестрі" РМҚК директоры.
2016-2019 жылдары – Мәдениет министрлігі "Қазақконцерт" мемлекеттік концерттік ұйымы" РМҚК директорының орынбасары.
2019-2023 жылдары Астана қаласы әкімдігінің "Мемлекеттік академиялық филармония" МКҚК бас директоры қызметтерін атқарған.
2023 жылғы тамыздан бастап жаңа қызметіне дейін Астана қаласы әкімдігінің "Еркеғали Рахмадиев атындағы Мемлекеттік академиялық филармония" МКҚК бас директоры болған.
Мәтіннен қате тапсаңыз, бізге жазыңыз
