Көкшетаудағы кәсіпорындардың бірінде қайғылы жайт болды. Бағананы бояп жатқан жұмысшы биіктен құлап, көз жұмды, деп жазады өңірлік ПД-ға сілтеме жасаған KAZ.NUR.KZ.
Ақмола облысы полиция департаментінің баспасөз қызметінің ақпаратына сай, кеше, 14 шілдеде Көкшетау полиция басқарқаладағы кәсіпорындардың бірінде қайғылы жайт болғанын жедел жәрдем станциясының фельдшері хабарлаған.
"Алдын ала дерек бойынша бағананы бояу жұмыстарын жасап жатқан 54 жастағы ер адам астындағы жеңіл саты сынып кетіп, биіктен құлаған. Алған жарақаттарынан жұмысшы оқиға орнында көз жұмды", — деді полициядағылар.
Бұл дерек бойынша Қазақстанның Қылмыстық кодексі 156 бабы 3 тармағы — "Адам өліміне себеп болған еңбекті қорғау ержелерін бұзу" бойынша сотқа дейінгі тергеу басталды.
"Сот-медицина сараптамасы тағайындалды. Сондай-ақ мемлекеттік еңбек инспекторы тексеру жасап жатыр", — деп ақпаратты толықтырды ведомство өкілдері.
Мәтіннен қате тапсаңыз, бізге жазыңыз
