Елде алғашқы жартыжылдықта 7,9 миллион шаршы метр тұрғын үй пайдалануға берілді. Биыл 6 ай ішінде құрылыс жұмыстарының көлемі 3,3 триллион теңгені құрап, 18,4% өсімді көрсеткен. Бұл жайында Үкімет отырысында Өнеркәсіп және құрылыс министрі Ерсайын Нағаспаев мәлімдеді.
Оң динамика 19 өңірде тіркелген. Көш басында Түркістан, Ақмола, Ұлытау, Жетісу облыстары мен Шымкент қаласы. Жалпы биыл жоспар бойынша елде 19,2 миллион шаршы метр тұрғын үй салу көзделген.
